Cómpre ler ben a coma do titular porque do do 6 de febreiro ao 19 de marzo de 2011 celébrase en Pontevedra “É Mentira”, a XII edición do Salón do Libro Infantil e Xuvenil de Pontevedra.
O nome escollido é o que máis chama a atención, segundo os organizadores é porque se trata dun sentimento, o da mentira, que nos gusta experimentar nas historias que lemos. Neste certame, organizado polos centros de ensino da comarca de Pontevedra, quérese buscar a verdade e a mentira das historias que le a infancia e xuventude da zona, xogando con distintas manifestacións plásticas que ocupan o Pazo da Cultura do Lérez.
As letras mentireiras e fantasiosas de Cunqueiro terán un merecido espazo nesta edición mesturándose con actuacións musicais, contacontos, exposicións entre outras actividades.
No hay comentarios:
Publicar un comentario